Tur til Hamar....

Hopp 3
Det er veldig dumt at banene her blir litt utydelege, banene var strålande, gode, tekniske og raske baner.....

Agility 3

Fine vakre gutten min.........

Fredags ettermiddag heiv vi oss i bilen til Hamar og Vikingskipet. Det såg lenge stygt ut for om vi kunne reise Bjørnar og Mathias låg med feber heile veka. Eg lesste inn alle i bilen og i veg bar det....

Vi kom vel fram på fredagsnatta ein gong. Lørdags morgonvar det tidleg opp så bar det i veg. Då vi kom til Vikingskipet var det kø, kø og atter kø, men slik er det på store arrangement. Eg var utruleg spent på banene, men eg hadde ingen grunn til til engstelse, banene var knall.

Eg møtte og Thomas og Fanny og lille Squid som faktisk må vere det mjukaste eg har kjend. Ho var verkeleg vakker, så eg gledar meg til eg skal stå å sjå Squid gå agility, det blir bra.

Vi byrja med hopp 3 og det var ca 80 startande foredelt på både Noreg, Sverige, Finland og Danmark.

Eg starta ca midt i feltet noko som passar meg bra. Eg har sett at viss vi får veldig seine startnummer så blir Ted ståandes og stresse ein del då kan det lett slå feil veg. FAnny var så snill at ho beli med meg ut på bana for å sjå på atlernativa,veldig kjekt Fanny. Fanny fekk seg dessutan to napp til med Shejpa på fredagen, så no Fanny er det klasse 3 rundt neste hjørne.

Ted gjekk eit flott løp,dessverre fekk vi med oss eit riv, ein oxer som stod rett før pølsetunnelen, eg såg han vart litt lav og tok med seg ein pinne, resten av løpet er eg godt fornøyd med. Vel med 5 feil i det selskapet så kjem du eit stykke ned på lista,men det som gledar meg mest er at eg nok har ein av dei raskaste hundane på tid, vi skal berre slå til med feilfritt, då trur eg til og med finnane på passe seg. Men dei var nok i ein klasse for seg iallefall i large, dei satsa absolutt alt. Det var utruleg mykje god agility og sjå,og det gjer at konkurranseinstinktet mitt vaknar endå meir, for vi er så nære. VI har nok ikkje same rutinen som mange av dei som gjekk men Tedden går utruleg bra.....

I agilitien var eg nest siste ut, dette blei lang ventetid for Tedden , han var litt stressa då han kom ut, det resulterte i ein tjuvstart og når han begynner å bråke litt med meg på startane då dett litt av fokuset.

Det var ein kjekk start på agilitybana, desverre sådiska vi på denne bana, eg sklei litt med eine tunnelen det var nok til at eg ikkje kom meg i serpentinposiisjon etter stigen og då gjekk han rett i feil tunnelinngong, ingenting å gjere med det. Vi susa ut banen. Det var mykje imponerande agility å sjå og ikkje overraskande blei det finnane som gjorde det stort i allefall i large. Det var rett og slett imponerande å sjå på Jaakko når han geleida hunden sin rundt banen, han var til stor inspirasjon.

Vil og gratulere Katja som vann fredag i klasse to liten, godt gjort Katja, flinke e dåke...Og sjølvsagt til Dorte og Luke som gjorde ein flott figur i Vikingskipet...

Vel vi var ferdige klokka tre lørdag og då bestemte vi oss for å vende nasa heim att over, vi kom heim på natta ein gong.

Vel søndag stod eg tidleg opp fylt med inspirasjon til ei god treningsøkt, eg og TEd gjekk i gong med operasjon nasedytter, det ser veldig bra ut no, ellers trente vi litt på starten i agilitien noko som han ikkje hadde trøbbel med. Eg tok samme start med Kelly,og ho tok det som ingenting, ho er flink den vesle voffen min.

Vi terpa og på fri ved fot, har og baklengskjeda ein del øvelser i klasse 1 og 2. Grunnen til at eg har begynt litt med klasse 2 øvelser er at eg har jobba ein del med ruta så då fekk eg mykkje gratis på feks utsending til kon med stå i klasse 2. Jobba og med hoppet i klasse 1 og apportering av metall. Eg sendte metallapporten over hoppet på gøy Kelly kom fint tilbake over hoppet med den, eg var gjerne litt flaksen, men det er viktig å gi hu kor Ted går inn for oppgåva hundane likar utfordring. Eg og TEd jobba og forresten med signalkontroll på " suss ", det er heilt tidig å sjå, mamma synes det var det eklaste ho hadde sett. Litt seinare på dagen jobba eg med serpentin handling med begge to, samt bakombytter med Kelly..

Til helga kjem Maria HAgstrøm og det gledar eg meg til.

Neste stevne er Follo i januar, og då kjem vi sterkt tilbake............Ha ei flott treningsveke,det veit eg at eg iallefall skal ha, det er berre å stå på viss ein skal bli BEST.........(he, he)

" We just hit the ground running "......

I farta......

Gårsdagens eminente treningsbane hopp 3.

Dette sitatet er tatt ut av filmen til Susan Garett "Sucess with one jump", der Susan snakker om skilnaden på Buzz og Encore sine to eminente border collies. Ho fortel om Buzz somalltid har hatt problemer med å finne linja framover, han ser litt på Susan og litt fram og Encore som lærte frå starten å sjå fram og finne linja i banen. Det samme når det gjeld tørrhandling og One Jump. Med Ted har eg gått ein lang og lærerik veg han fekk aldri lære seg denne grunntreninga alt har komme etter kvart som vegen har blitt til. Det har vore ein kjempejobb å gjere om på alt som han har lært seg feil, fordi ein rett og slett ikkje har hatt kunnskap om dei rette tinga.

Med Kelly er det heilt annerledes, ho er godt grunntrent både med tørrhandling og One Jump,og det er så morosamt er at når eg no har sett opp små kombinasjoner til ho så går ho som ein draum.

I går sette eg opp ein dobbelboks, ho går så fint. Først øvde eg på lead out pivot,eg belønna fleire gonger berre for at ho såg fram på linja, kallte ho så inn og belønte. Etterkvart var det ingen problem å sette på framforbytte. Eg sendte ho og rundt 270 sving der ho måtte gå sjølvstendig og eg fekk lagt inn eit diagonalt framforbytte. Ho er berre rå den lille voffen min, og så er ho så lærevillig. Så folkens eg vågar å påstå at god grunntrening er alt.

I går var vi i Retrieverklubben og trente i lag med Line og Rune, og som alltid når Line er med har ho funne gode baner med mykje utfordring, ho har og eit godt og konstruktivt blikk når du går. Og det var verkeleg ein knall bane. Sidan eg og TEd skal til Hamar til helga og gå agility så passte det perfekt med ein gjennomkjøring.

I går fokuserte eg veldig på å vere roleg og å la han sjølv søke i slalomen slik at eg berre kan plassere meg. Startar som vert veldig stillesståande har ofte vore ein vanskegrad for meg og TEd, men no har han blitt mykje flinkare til å lese posisjonen minog då er farten meir tilpassa svingen.

Gårsdagens treningsøkt var berre knall, tusen takk Line og Rune......

Line ho filma oss i går så viss du vil sjå kan du gå inn på Line Coucheron si heimeside, der ligg filmen nederst på bloggen..

Ha ei sporty veke alle saman..

Gode læringsmål.....

Korleis setje seg gode og konkrete treningsmål ? Det er ikkje alltid like lett å finne seg mål som er like lette å gjennomføre. Eg veit berre at treninga mi før og etter eg byrja med å setje meg konkrete læringsmål ikkje kan sammanliknast. Hundane mine er dyktige på mange områder, det tar eg som eit teikn på at eg har vore flink til å formidle til hundane mine det eg vil ha i ei økt.

Viss ikkje du sjølv veit kva du skal trene på så blir det i beste fall komplett kaos.

Ein av målsetningane eg har med ei treningsøkt er at hundane mine og skal bli endå bedre enn vi var dagen før, dette krever strukturog planleggjing og at du veit heile tida kva du er ute etter.

Det er sjølvsagt forskjell på treningsøkter, nokre gonger bruker du god tid på å forberede ei agilityøkt, andre gonger blir du kasta meir inn i det.

Det eg ser som blir veldig viktig for alle treningsøkter er at eg trener på EIN ting om gangen, eg har bestemt meg på forhånd for kva kriterier eg jobbar i forhold til, kva som skal belønnast og kortid hunden må prøve enå hardare for å oppnå sin belønning,her er det sjølvsagt stor forskjell på om det er nyinnlæring ein driv med enn om atferden er godt etablert. Eg er veldig opptatt av energien i treningsøkta,det skal vere kjekt for begge parter og trene. Eit evinneleg spørsmå i all trening er jo kva skal ein belønne, og kva skal ein ikkje belønne, eg ser i allefall med mine hundar at eg nok har beløna dei litt ukritisk,dei har fått kome for lett til ei belønning, det har faktisk og ført til at ein ikkje får den rette intensiteten i ein øvelse. Får hunden alltid for lette arbeidsoppgaver og alltid blir belønna for det minste forsøk så seier det seg sjølv at det gjerne på sikt blir lite utfordrande.

Eg tenkjer som så at desto lenger ein har kome i utdannelsen desto meire blir det krevd av deg.

Det vil seie at skulle TEd komme til å ta 11 portar i slalomen så seier det seg sjølv at det ikkje er noko som eg vil belønne når eg veit at hunden kan det.

Men god trening handler om å dele treninga og atferder opp i små posjoner slik at det blir lettare for hunden å fordøye all informasjonen, holde seg til gode kriterier og holde dei dynamiske slik at hunden alltid får ein utfordring i treninga, variere belønninga og belønningsmønster slik at vi ikkje blir forutsigbare i treninga.Ein annan ting som eg har hatt stor glede av er gode overganger mellom arbeid og leik, dette sparer ein tid påog ikkje minst får ein flyt i treninga utan avbrudd, hunden skal vere den som tar initiativet til treninga.

Ein siste ting som eg veldig gjerne vil nevne er dette med kjeding, at hunden tidleg lærer seg å måtte jobbe lenger og lenger for ein belønning.

Eit stort skille mellom konkurranse og trening er ofte at i trening får hunden mange små belønningar , medan i konkurranse må hunden gå mykje lenger for å få belønning. For å motvirke dette og tidleg styrke hunden sin kunnskap kan du på eit tideleg stadium fortelje hunden at nokre gongar går det lengre tid før ei belønning kjem.

Då blir det aldri vanskeleg i ein konkurransesitausjon for då er hunden vant til å utføre fleire atferder etter kvarandre......Hunden lærer seg og at det er ingen grunn til å gi opp om ikkje belønninga kjem med ein gong,det er berre å stå på vidare....

I forhold til kjeding er og den unge hunden er det og ekstremt viktig å trene imange ulike miljøer og ikkje minst og overtrene på forstyrrelser.....

Koseleg fellestrening....

Her er den store kelly 7 mnd gammal.......Lykke til med henting av Squid i helga Fanny, bruk tida godt for du ser det går fort....Hels Mikaela og Anna frå meg....

Her er lille Kelly for nokre månader tilbake.........Tida går fort..

I går var eg og Kelly på fellestrening i lydighet. Det var veldig kjekt og konstruktivt, vi fekk gått igjennom mange ting som er vanskeleg å øve på når ein er åleine slik som tannvisning og fellesdekk.

Ho blir fort litt ivrig på tannvisninga, men i går sat ho veldig fint i ro.

Fellesdekken synes eg og er veldig bra, i går trilla Torunn ballar, og gjekk i mellom hundane medan dei låg i fellesdekken, veldig god trening. Eg ser at det å liggje i lag med fremmede hunder på ulike plasser er veldig viktig. Eg vart og kommandert på fri ved foten, dette var veldig nyttig synes eg, Kelly går veldig fint i posisjon, slit litt med høgrevendingar men det er nok fordi det er dei vi har trent minst på. Ellers synes eg at ho har fint fokus og ho klarer å jobbe konsentrert lenger. Eg vart og kommandert på dekk fra holdt og den sitter veldig fint no. Ellers tok eg nokre innkallinger, ho kjem i stor fart og har veldig fine innsitt....

Det går framover med oss litt etter litt. På agilityfronten trenar vi og jamnt og trutt vi jobba med 270 graders sving i går, og uansett kor lang avstand der er mellom hoppa så gå ho på utsida. Det er utruleg kjekt å sjå kor flink ho har blitt, og kor stor forståelse ho allerede har for min posisjon og ulike signal.

Tusen takk til Sonja , Tore og Torunn for ei flott trening....

Felter, felter og atter felter......

Har i dag jobba med denne kombinasjonen, feltapparater og diskriminering. Eg har jobba mykje med at Ted skal få fine, effektive svingar uta av tunnel, dette får du nokså ofte på konkurranser. Det eg ser han har blitt veldig flink på er å lese når TA (treadle arme ) kjem opp. Ellers så kjem eg no til å prioritere små feltkombinasjoner framover, rett og slett for at det blir mykje både for meg og Ted og tenkje på. Du har timing, setje gode kriterier og ikkje minst følgje dei du har til punkt og prikke. Dessutan skal du og lade verdi for hunden for å stå på feltet, der har eg gjort ein dårleg jobb med Ted, han synes det er mykje kjekkare å få lov til å springe videre.
Handlinga begynner å fungere riktig bra, eg ser og av tørrhandlinga eg har gjort at han har blitt utruleg mykje bedre på høgre hand, det ser du og ute i bana, han er utruleg fin og lydhør.
Vi har og jobba mykje med akkselerasjon og deakkselerasjon, Ted har no veldig fin forståelse og er blitt flink til å legge inn eit ekstra skritt når han deakkselerer.
Til helga skal eg og TEd til Stord for å konkurrere, det gledar vi oss veldig til. 14 dagar deretter skal eg og Bjørnar til Hamar. Eg skal gå med Ted lørdag, resten av helga skal eg berre sjå , det er jo nordisk i agility.
I den forbindelse vil eg gratulere Dorthe og Luke som har blitt tatt ut til nordisk. Dei er berre kjempeflinke. Så vi heier på deg Dorte.....


Tedden konsentrert...

Full fart....

Litt for sein inn i ein threadle......noko som Tedden håndterte på beste vis. Dette er forøvrig det beste løpet vi har gått i år 5,6 meter i sek i agility.

Kelly friskmeldt..

Lille Kelly som vart veldig glad for ei god treningsøkt...

I tre veker no så har den vesle voffen til mamma stort sett tatt det med ro, vi har iallefall fått øvd mykje på luktdiskriminering og nouse touches.

Kelly er ein ganske uforsiktig liten hund, for ca 3 veker sidan sprang ho i ein kant heime og begynte å halte.

Haltinga ville ikkje gi seg og resulterte til 3 dyrlege besøk, røntgen og ultralyd. Det kostar lett nokre kroner når ein skal innom eit dyrlege kontor. Det var difor kjekt når eg fekk vite at det ikkje var noko alvorleg, ho hadde slått seg kraftig i ein muskel. NO er ho heilt fin og vi har fått klarsignal på at vi kan begynne forsiktig å trene igjen.

I går såg eg igjennom terminlista i lydighet og fann ut at det passar bra å debutere med Kelly i Flatebyhallen siste helga i januar, då skal eg og TEd gå agility og då kan eg og Kelly like godt hive oss på.

I går hadde vi oss ei flott treningsøkt der eg prioriterte fri ved fot, stå under marsj, fellessitt og fellesdekk med forstyrrelser. Eg har no begynt å gå i skjul og det går veldig fint. I går fekk eg nokon i klubben til å gå rundt Kelly når ho låg, det gjekk veldig bra, ho ligg fint men halen går heile tida. Kelly er så sosial, på tannvisning gjenstår det litt trening, dommaren kjem til å bli rundsleikt. Ho er skikkeleg fin lille Kellyen min...

I dag kjem eg til å prioritere stå under marsj, innkalling med stå, apportering og så litt one jump må vi unne oss i dag.........