Agility onsdag 14/2-07

SKAL VI UT OG TRENE SEIER DU ?

I dag har vi tatt for oss denne bana. Det er ei handlingbane der ein har rikeleg mulighet til å øve på framforbytter. Eg er veldig fornøyd med treningane siste tida. Spesielt Ted viser flott framdrift. Vi har trent mykje handling samt slalominnganger. Eg vart faktisk så imponert over Ted på andre runden at eg blei ståande og glane. Han har ein utruleg fart og sjølvstendighet, samt at det no er veldig lite riv. Litt av problemet med han tidlegare har vore at han berre har hatt eit einaste gir, og ikke heilt har klart å avpasse farten til vanskegraden i bana. Det begynner han å bli flinkare og flinkare på. Det er ei fantastisk kjensle å gå i lag med han. Eg byrja med å gå ut til hinder 3 å plassere meg. I og med at eg har ein veldig rask hund så er det viktig for meg å plassere meg strategisk i bana. Han har ingen trøbbel med ei slik bane, og eg kjenner at byttene våre blir meir og meir automatiske, det er veldig kjekt å få oppleve når det flyt.

Slalominngangane er han veldig sikker og sjølvstendig på, dette gjer at eg til tider kan ligge på lang avstand i frå han. Det eg måtte passe spesielt på i denne bana var etter slalomen at eg har tid å vente til han er ferdig, det er veldig lett i dei siste pinnane i slalomen å tenkje på neste hinder, dette gjer at hunden kanskje skippar siste pinnen. Det var ei flott treningsøkt, der Ted heile tida prøver å yte sitt beste. Jobba med felta til slutt, eg jobbar fortsatt med at han skal stå igjen på feltet medan eg tar framforbytter frå begge sidene på felta. Felta er Ted utruleg sterk på. Fekk og sjølvsagt trent litt lydighet. Litt fri v/fot samt ein innkalling og tannvisning.

No gledar vi oss ustryrtleg til konkurranse. I lydighet skal vi konkurrere 15 april medan det i agility sikkert ikkje blir før i byrjinga av mai. Gubben har verkeleg sett foten ned og det trur eg er fornuftig. Eg kan ikkje vere med på alt, men klikkerinstruktørutdannninga gledar eg meg veldig til. Håpar at eg kan utvikle meg mykje meir som hundefører.........